GRZESZNE pRZYPADKI aLBINA kNEFLA - wOJACZKA-FRAGMENTY

pOLEN KAPUT!
Richart zwrócił sie do wylynkanych bab.Berta nimiecko fana do okna"schnel"-gibko gibko
-ni momy nimieckej gany wyszeptała Berta.
-ha ha ha,śmioł sie Richart.Ni ma nimieckej fany,dyć podniyś "schtrousak"-siynnik na kerym śpisz
i robisz "ficken machen".No śmiało podniyś.Wylynkano Berta wyciongła spod siynnika poskładano
nimiecko fana.
-No widzisz Berta przeczas tyś je nimiecko"Frau".Spałaś na fanie a teroz gibym leć i powiyś jom
w oknie."Schnel schnel.A wracej bo pudymy robic "grose lieba".Bydzie "grose foltrefer"i urodzisz mi małego "Heinricha",ha ha ha.

Albin siedioł w oknie i dziwoł sie na ulica.Wszyńdzie pełno nimieckich tanków,motocykli i dużo nimieckich wojoków.Dziwoł sie jak na chałupach od ludzi kerzy niy tak downo podowali sie za poloków wisiały nimiecke fany.Stary Kalamala oroz paradowoł w mundurze SA-mana i flachom gorzołki czynstowoł nimieckich wojoków.Wroz Albin pomyśloł o mamulce,została u Berty i isto
musi suchać tego gupigo Richarta. Gibym polecioł na piyntro do kuchni i bez dziura w delówce
dziwoł sie co tysz sie dzieje u Berty i Richarta,a dzioło sie moc wiela.Richart siedzioł na taborecie ze szłapami wyprostowanymi przed sia i piył piwo kere mu podowała Berta.Na drugim końcu izby siedziała wylynkano mamulka Kinga i oganiała sie od drugigo wojoka kery mioł czerwone
pyszczysko i wypłowiałe wlosy ale był ogromnie frechowny do Kingi.Richart wstoł poprawiył hosentrgry i wzion Berta za rynka i pociongnoł jom do izby wele kuchni.Drugi wojok jak by jyno na to czekoł,zaros stoł sie bardziył frechowny i napastliwy do Kingi.Tego było dlo Albina za wiela.Wzion czajnik z wrawom wodom i bez dziura w delówce wyloł jom na łeb nimca.O świynto Kunygundo co sie nie pochało.
-"Ferfluchte schweinerai",wrzeszczoł na cołki głos.Lotoł po kuchni czymoł sie za łeb i szukoł
tego kery mu wyloł na łeb wrawo woda.Pod piecym cima,w izbie poza nim i Kingom ni ma żywej
duszy a on mo łeb sparzony ani wiepszek na świniobicie.
-"Partizanen",wrzeszczoł i czymoł sie za ogromniasto blaza kero mu wyskoczyła na łepie.Tym razym szczyńście było po stronie Albina i Kingi.Jak sie zdowało,że za chwila przidom żandarmy szukać partizanów rozległa sie komynda zbiórka!!!Richard z kumplym migym musieli sie ubiyrać
i stanonć do glidu przed chałupom. Richart zapuszczoł motor a w przyczepie siedzioł kumpel
z łepym obandażowanym biołym "handtuchym".Co se pomyśloł jak na odjezdym zejrzoł Albina w oknie
tego sie nikt nie dowiy.

Grzyszne Przypadki Albina Knefla-fragmenty-wojaczka

Berta wyłaź z łóżka,wołała zadyszano Kinga.Wele kościoła stojom nimiecke tanki w oknach
niktórych wiszom nimiecke fany.Śpychej sie!Berta stoła w koszuli blank połonaczono.Leżała se
w ciepłej pościeli,śniło ji sie,że wele niyj leży młody Jozel a tukej oroz wrzask,bomby,fligry.
Co je grane.
-Ubiyrej sie,wrzwszczała Kinga.Poloki uciykli w koło pełno nimców.Wroz bez klupanio do izby wlazło
dwóch nimieckich wojoków.Ubrani w czornych skórkowych mantlach z pilotkami na głowach i brelami podniesionymi na czoła wyglondali ani diobły,take co w św.Mikołaja straszom bajtli.Hernie wleźli
do środka,podniyśli rynce i wrzaśli"Heil Hitler".Kinga i Berta w koszuli stoły wylynkane i nie umiały pedzieć jednego słowa.Przecasz szłach spać w Polsce a budza sie w nimcach,kombinowała Berta.
-"Heil Hitler"wojoki podniyśli rynce i powtórzyli powitanie.Wylynkano Berta poprawiyła aksle od koszuli podniosła rynka i szptła coś pod nosym.
-"Ja das ist schon".Jedyn z wojoków zaczon ściongać brele po tym pilotka i wroz okozało sie,że to gospodorz Richard.Berta mało co nie praskła rziciom do konkastli.Przecarz to je Richard jyji chłop.Niby jyji ale jakiś obcy,z gewerym w rynce...
-Polen kaput!wrzasnoł.Berta nimiecko fana do okna,wrzasnoł.
-Ni ma nimieckej fany szeptała Berta.
-ha ha ha,śmioł sie Richard.Podniyś "schtrousak"pod kerym śpisz i robisz"fiikcken machen",no
podniyś...wylynkano Berta wyciongła spod siynnika poskłodano nimiecko flaga z "hackenkreuzem".
-No wodzosz Berta,śmioł sie Richart,przecasz tyś je nimiecko frau,spałaś na fanie ha ha ha a
teroz gibko wywyś fana w oknie,jyno gobko wrocej bo bydymy robić"grosa lieba".Bydzie "grose foltrefer" i urodzisz mi małego Heinricha ha ha ha.

Grzyszne Przypadki Albina Knefla-fragmenty-wojaczka

Lato roku 1939 było ogromnie wrawe.Klara prażyła bez miary i choć nikomu to nie przeszkadzało
bo przecarz lepiyj jak w żniwa je pogodnie to jednak w lufcie czuło sie coś niedobrego.Ludzie
zachowywali sie jakoś dziwnie nie byli tacy sami jak zwykle.Na tyn przykłod gospodorze Berta
i Richard miast żniwować sztyjc jyno sie wadziyli.Richard sztyjc jyno prawiył,co cza wyjechać
bez zielono granica do jakigoś Adolfa kery pozywo wszystkich nimców do sia.Berta baba od Richarta
dowodziyła,że nikaj nie pojedzie bo ona je ślońzoczkom-polkom i koniec i kropka.Roz Albin słyszoł
jak Berta wrzeszczała,że tyn Adolf Hitler to je waryjot i cza go bydzie wywjyść hań na jako wyspa
tak jak tego Napoleona.Mały Albin nieroz musioł suchać tych godek i niy jak nie umioł wykapować
o co sie rozłazi tymu wrzaskliwymu Richardowi,że miast żniwować nic jyno sie wybiyro do jakigoś
Adolfa.Cołko chałupa przywykła do tego,że gospodorze roz sie wadzom a za chwila uzaś sie godzom.
Ale wroz sie okozało,że Richard zniknoł.Po czasie Albin podsłuchoł jak Berta prawiyła do jego
mamulki,że Richard uciyk bez"zielono granica"do nimiec.Na odchodnym pedzioł,że on tu wróci a wtedy
zrobi porządek,prawdziwy "ordnung".
Był piyrszy piontek miesionca września.Mamulka piykno Kinga poszła do kościoła na pyrszo mszo jak
oroz wele ich chałupy wybuchnoł granat,wpiyrw jedyn po tym drugi trzeci.Wroz wele ich chałupy
pokozały sie polske wojoki a od strony Chwałyńcic nadjechały nimieckie czołgi.Poloki szczylali
z karabinów a nimce z armaty.Co to je?myśloł wylynkany Albin ale na szczyńście do chałupy przileciała mamulka Kinga.
-Wojna,wojna krzyczała i tulyła Albina do piersi.

Grzyszne Przypadki Albina Knefla-fragmenty-Gynsi ciong dalszy

Na drugi dziyń zdowało sie,że wszystko gro.Albin wyżynoł gynsi jak zwykle jyno za stodołom
kożdo gynś została uwionzano za szłapa.I tak gynsi od Berty były na jednym hoku a gynsi od
Pyrdoliny na drugim hoku.Hoki wbiył do ziymi i zadowolony polecioł nod rzyka dziwać sie jak
furgajom ważki,jak pływajom kijonki na koniec zaczon ciepać plaskatymi kamiyniami o woda i liczył
wiela razy sie odbijom.Z zabawy wyrwoł go wrzask jaki podniosły gynsi.Dziwo sie a tyn nojwiynkszy
gęsior macho skrzydłami i dowo sygnał do odlotu.Śmigoł na jednej nodze co by złapać gęsiora za
łeb ale było za późno.Wszystkie gynsi machały skrzydłami i co kero próbowała sie poderwać zaroz
praskła o ziym bo przecarz szpagat czymoł wszystkie za szłapy.Dziepiyro zrobiyło sie larmo w lufcie pełno piyrzo gynsi po plontane leżały jedna na drugiej i wrzeszczały.Piyrszo przileciała
staro Pyrdolino zafuczło ani staro ajzenbana.Stoła na tych swoich obajnach i nie umiała skapować
co sie richtik stało.Gynsi poplontane w lufcie pełno piyrzo larmo take ani by kery otworzył
dźwiyrze do piekła.Za chwilka przileciała Berta wlazła miyndzy gynsi,chciała je rozgonić ale
zamiast tego sama sie zaplontała.
-Wyglondo na to,że gynsi dostały krymfy abo bezkurcyjo utopek robi se błozna.Podźcie sam Pyrdolino
i pomóżcie mnie rozplontać z tego bajzlu bo za chwilka praskna miyndzy pile i byda stracono.
Pyrdolino pomalutku zaczła sie tymu przyglondać i wroz jom oświyciło.
-Przecarz te gynsi som powionzanw szpagatym.Przeecarz jo cie nie wyłonacza z tego bajzlu bo tukej potrza noża abo nożyczek.Ty Berta podziwej sie przecarz ni ma Albina.Kaj je Albin?
-Zaroz zaroz pedziała Berta przecarz to je szpagat od Richarda.Jo tego pierońskigo małego podciepa zabija.O tyn szpagat Richard wczora zrobiył haja.
-Godej wyraźnie o co sie rozłazi,pedziała Pyrdolino.
-O co sie rozłazi,o to,że wczora Richard uznoł,że ze szuflady z byfyju keryś mu sfinoł szpula
szpagatu.A kto mo dostymp do szuflady w byfyju-jo.To jo kradna we własnym miyszkaniu bo przecarz
jo je po polokach-powstańcach a Lećcie on je richtik wielki ślońzok bo on je za nimcami.Jyno on wiy co to prowdziwy ordnug.Prziniyście Pyrdolino noża i uwolnicie mnie bo za chwila dostana pypcia ze złości.Ta "psizatruto potwora,tyn mały gizd,jak on to zrobiył,kiedy,skond wiedzioł
kaj Richard czymie szpagat.Bez tego małego chachara mało co a by my sie poprali.Jak dopadna tego
małego kurdupla to mu szłapy ukryca wele samej rzici.
cdn

Grzyszne Przypadki Albina Knefla-fragmenty-Gynsi

Piykny letni dziyń mioł sie ku końcowi.Klara pomalutku chowała sie za las a stada cilipów slatywały sie nad stow co by w sitowiu bezpiecznie przeczekać noc.Bociek z zaskrońcym w dziubie
zlecioł z nod łonk i karmił wygłodniałe pisklynta kere śmiysznie nodstowiały dziuby.
Przed chałupom na ławce siedziały baby i klachały.Staro Pyrdolino narzekała,że okropnie
żgo jom w boku,że nogi ji puchnom i czsami jak jom łapnie to nie umi zrobić kroku a żyć cza.
Ciynżkie je życie samotnej baby.Berta narzykała na swojego Richarda kery ostatnimi czasy zaniedbuje gospodarstwo a i jom tyż zaniedbuje a przecarz ona je baba poczebujonco.Umicie se to forsztelować,że on zamiast legnońć wele nij woli lotać na jakeś zebrania kaj godajom o polokach,nimcach,żydach.Padom wom nie umia skapować co mu potej palicy łazi.Piykno Kinga siedziała
na boku i wolała sie nie odzywać.Co tu godaćZdowało ji sie,że w końcu znalazła porządnego karlusa
że jakoś ułoży se życie a tu mocie a tu mocie,Albin naszoł go jak figlowoł z gospodyniom Bertom
kerej widać jedyn chłop nie wystarczy.Niech se tam baby narzykajom a ona wiy swoje,biydnom babom
wiater zawsze zawiywo pod spódnica.
Swobodno godka przerwoł Albin kery przykuśtykoł znod stowu i przinius mamulce szykowno ryba kero
łapnoł na hok zrobiony ze zicherki.
-Dziwejcie sie jako szykowno wajska,pedziała Berta.To mosz na jutro obiod.Widza co Albin wyrasto na szykownego synka,cza by go zaprzońc do jakeś porzytecznej roboty.
-Móg by paść gyńsi niepewnie wtronciyła Pyrdolino.
-To nie je gupie przytakła Berta,moich je dziesiyńć a wy tysz mocie szykowne stadko.Co na to Kinga?Zamyślono piykno Kinga kiwła potakujonco głowom i sprawa była zaklepano.
W taki sposób Albin zostoł gynsiopasym.Z poczontku zdowało sie,że to bydzie fajno zabawa
ale chnetka sie okozało,że z gynsiami niy ma szpasu.Po pirsze uznoł,że gynsi to som wieczne
hajoki.Sztyjc sie wadzom i robiom taki butel,że idzie ogupnońć.Po drugie to umiom lotać i jak
kerej piźnie do dekla to podrywo cołke stado kere leci hań daleko a ty tyczysz ani synk w desce.Roz sie zdarzyło,że jego gynsi spotkały sie z gynsiami od starej Ogonki.Zrobiyła sie tako haja a taki wrzask,że biydok straciył głowa.Co biydok na goniył na kuśtykoł co by swoje stado
zrzynońć do kupy wiy jyno on i Pon Buczek.
Zmynczony blank złonaczony siedzioł na łonce i kombinowoł jak by te przejynte gynsi ucapić co by
roz na zawsze odeszła im chyńć na robiynie takej haji.Kombinowoł i wykombinowoł.Na łone wele
niego pasły sie kozy od Sztuchlikowej,były uwionzane na łańcuchach i był porzondek.Żodno ciga
choć by jom nie wiym jak swyndziało nie umiała uciyc.Jak cigi umiom sie paść na łańcuchu to gynsi tysz,uznoł.W doma zejrzoł,że Richard chłop od Berty czymie w szufladzie z byfyha szpula
szpagatu kero mu służyła do szycio opratów abo chomonta.Richard poszoł do miasta a Berta klachała z Pyrdolinom i Albin wpod do kuchni od Berty otwar szuflada odcion szykowny kawał szpagaty i jak by nigdy nic poszoł za stodoła.Usiod se na geplu pocion szpagat na równe czynści
i czekoł na nostympny dziyń.

Walentynkowe nastroje

Wyznanie
Jesteś moją wiosenką
czterolistną koniczynką.
Jesteś moim kryształkiem
małym ciepłym ideałkiem.
Jesteś chabrem i błękitem
jesteś mego życia hitem.
Jesteś młodych traw świerzością
jesteś grzechem i czułością.

Jesteś płomienną zorzą
moim oczarowaniem
radością i smutkiem
śmiechem i gorzkim łkaniem.

Jesteś malutką muszką
cudną w swoim lataniu
unoszoną zapachem kwiatów
i czułych muz wirowaniem.

Jesteś cudną Dianą
Jesteś Wenerą kochaną
Fantonem cielesnym cudnym
wciąż od nowa zdobywanym.
Jesteś moją Hestią
cudną muzą błogości
jestes moją Ateną
boginią mądrości.

Jesteś cudną orichideą
olimpem porządania
muślinem wszystkicj stworzeń
sposobionych do lotania.

Jesteś skromnnym gęsipempkiem
malutką stokrotką
niepozorną zagubioną
a jednak najsłodszą.

Jesteś mgłą poranną
co zapada nad łąkami
zapachem samego życia
spokrewnioną z kłosami.

Jesteś malwą jesteś makiem
wietrznicą oczarowania
całej męskiej menażerii
rycerzy od zapylania.

Jesteś olchą,smukłą brzozą
królewną gibkości
która łapie leśnych faunów
w sieci czarowności.

Twoja siła i potęga
zawarte w spojrzeniu
w delikatnym obrysie
w nieuchwytnym mgnieniu,
w pochyleniu głowy
w smukłej linji szyji
w zalotnym spojrzeniu
w odruchu skinieniu.
W plamie ust czerwieni
w biłym błysku ząbków
w zwykłem puklu włosów
w dekolcie trójkątów.

Jesteś tchnieniem życia
stworzoną do rozkoszy
o której spełnieniu
mówią Twoje oczy.

Jesteś mą biedronką
małą piegowatą
słodką przytulanką
małą lecz bogatą.

Jesteś szmerem liścia
który drży na wietrze
dla mnie najważniejsza
jak tlen jak powietrze.

Jesteś żółtem niebem
przestrzenią bezkresna
wielkim niespełnieniem
zadrą na duszy bolesną.

Jesteś wszystkim co było
co jest i co będzie
pulsem rytmem życia
tutaj teraz i wszędzie.
s.ptaszyński

Kalendorz Miłosny

No tusz som my w nowym roku i cza opracować terminorz działań.
Dlo tych co nie wiedzom jak go zaplanować podowom ściąga.Posuchejcie.
Styczyń
Ambicjom kożdego hernego galana je
by frelka na bal była zabrana.
Ps
Że je kryzys,że droge sukiynki
niech idom przebrane za buszmynki,
tako buszmynka szampanym roztytegowana,
pan mnie rozumie prosza szanownego pana...

Luty
Andzia padała,że nie lubi lutego
bo ona nie lubi nic krótkigo.
Ps
Andzia sztyjc narzeko sztyjc jyno gdacze
niech se w shopie kupi słuszne przedłużacze.

Marzec
W marcu pomalutku przyroda sie budzi
ludzie narzekajom na zimowe nudy
a chłopom w galotach odstowajom budy.
Ps
Ale sie nie martwcie istoty popyndliwe
miałczynie kocurów bywo zaraźliwe.

Maj
W maju w maju w kwiecistym maju
chciałaby dusza do raju.
Ps
Nie jedno cnotliwo Bronka
straciyła wionuszek na łonkach.

Czerwiec
Bywo,że w czerwcu
wrawo je na sercu.
Ps
Nie wiym ludzie czy wiycie
ale nojlepszy sztelung je w dojrzałym życie.

Lipiec
Lipiec je za wrawy
na seksualne zabawy.
Ps
Niejednej porce było ciacianie
daleko od słonka,w stodole na sianie.

Śierpiyń
Jak klara dobrze przygrzeje
z niejednej porki skopek potu wyleje.
Ps
Co by skuli potu nie było za ślisko
radza uciekać w bruzda w kartoflisko.

Wrzesień

Je wprost wymarzony do miłosnych igraszek
by sie dobrać do żony.
Ps
Nie chcecie wierzyć samcze lynie
podziwejcie sie na jelynie
tak som gefilami nabuzowani
że sie żgajom nowet rogami.

Październik
Szykownie liście maluje,pozłoco
ludzie wpadajom w miłosne stacato
a baby som na to jak na lato.
Ps
Witaminami nafilowani jedziecie równo
czy ślisko czy kartoflisko ale dowejcie se pozór
na mrowisko.

Listopad
Nikt tak dobrze przy babie sie nie zwijo
jak skorpion-seksualno bestyjo.
Ps
Wiyrzcie mi to storożytne sprawdzone wieści,
że nikt tak jak skorpion baby nie pieści.

Grudziyń
Świat pobrzmiywo eozkosznymi jynkami
bo ludzie se pszajom pod choinkami.
Ps
Dować se pozór jak za feste rziciom mielesz
bo ani sie obejrzysz jak sie na jegła nadziejesz.

Płynta
Jak z tego wyniko szanowne chłopy i baby
ludzie sztyjc i na okrongło uprawiajom
miłosne szrady,
nic ich nie obchodzi czy je wiosna lato jesiyń czy zima
ruchym posuwisto-zwrotnym cołki świat sie kima.
Jak to przełożyć na demograficzne logiki
to chnetka na świecie bydom same chinczyki
a jak se na wstrzymanie nie weznom nasze małolaty
to drugom nacjom bydom arabskie mulaty.