Dzwoneczek
------------
Słysza malutki dzwoneczek
co sztyjc jyno dzwoni mi
i nic jyno mi przypomino
jak gibko mijajom dni,
że już minyła wiosna,
że lato dobiego swych dni,
że trza sie pomału rychtować
a mnie to sie nic jyno śni.
Tu bych se chcioł podskoczyć
a tam poderwać coś
po górach se po lotać
a tukej mnie boli kość.
Tu strzyko mnie w kolanie
tu mnie coś w boku żgo
a jednak kajsik w środku
jakoś muzyka gro.
Wiync legna se pod świyrczkiym
i oczka zmróża w pokorze
może pod powiekami
coś mi sie jeszcze pokoże,
może przeniczne warkocze
a może żółte nieba
z młodości chwile jaśniutkie
dlo mnie cynniejsze od chleba,
bo one karmiom moja dusza
wspomniyń jasnom kropelkom
gdy młody silny sprynżysty
żyłech miłościom wielkom.
Brak komentarzy:
Prześlij komentarz