Ślońskie Rzykanie
------------------
Zwracom sie do ciebie Pon Bóczku
rzykom do Ciebie Wielki Boże
zdyjm z tej ziymi skarlonej
wszystkie plagi nieszczyńść morze.
Po coś obdarzył ta ziymia
wszystkich bogactw dostakiym i dobrym
skoro dlo nos prostych ludzi
żeś je takim srogim i chrobrym.
Dlo obcych te dostatki i dobra
som przyczynom bogactw bez liku
a dlo nos ludzi tej ziymi
ostoł znój ciynżko robota łod świtu do świtu.
I tak my sie wprzyngli w tyn gepel
charówy i ciynżkiej roboty
że nowet na zwykłe szpasy
ni momy już ochoty.
a po tym sie z nos śmiejom
i palcym pokozujom,
że te gupie hanysy
sztyjc jyno wongel fedrujom
a my nie umiymy wiyncyj
nic jyno ciynżko harówa
łod świtu aż do nocy
a pysk to trzymać na kłóda.
Brak komentarzy:
Prześlij komentarz